top of page
Search

Gaminghouse rahppojuvvon Guovdageainnus

Sávvat Sámi Gamersii lihku SG HQ rahpamiin!

Duorastaga golggotmánu 5.b. lei stuoraa beaivi midjiide ja Sámi Gamersii. Mii leat jagi 2020 rájes bargan ásahit sierra Gaminghouse Guovdageidnui ja duorastaga dat viimmat ollašuhttui rabas eahkediin masa bohte sullii 30-40 nuora. Dát lea leamašan Ovddos ja Sámi Gamers ovttasbargoprošeakta, mas Ovddos lea veahkehan Sámi Gamers prošeaktajođiheamiin masa gullet hálddašeapmi, ohcamušaid čállin ja raportačállin.


Duogáš dán prošektii lei ahte Ovddos jagi 2020 álggii guorahallat maid Ovddos sáhtášii dahkat lokten dihtii ássanbáikegeasuheami Guovdageainnu nuoraide ja nuorra-rávisolbmuide. Jagi 2021 čađahuvvui jearahallaniskkadeapmi Guovdageainnu nuoraid gaskkas. Bohte 343 olbmo geat vástidedje ja sis vástidedje 89% ahte Guovdageidnui galggašedje boahtit eanet astoáiggefálaldagat.


Go jerre makkár fálaldagat leat miellagiddevaččamusat, de vástidedje 73% ahte háliidit bowlinghálla Guovdageidnui. Dasto lei maid stuora beroštupmi hárjehallanlatnjii/hárjehallanguovddážii, gaminghousei, biljardspellui, spábbačiekčamii stuora šearpmas, beavddetenisii. Eará vástádusaid siskkobealde vástidedje maiddái máŋggas ahte sii háliidit gizzunšillju, kafea, Escape room ja paintball Guovdageidnui.


Duogáš dán prošektii lei ahte Ovddos jagi 2020 álggii guorahallat maid Ovddos sáhtášii dahkat lokten dihtii ássanbáikegeasuheami Guovdageainnu nuoraide ja rávisolbmuide. Jagi 2021 čađahuvvui jearahallaniskkadeapmi Guovdageainnu nuoraid gaskkas. Bohte 343 olbmo geat vástidedje ja sis vástidedje 89% ahte Guovdageidnui galggašedje boahtit eanet astoáiggefálaldagat.


Go jerre makkár fálaldagat leat miellagiddevaččamusat, de vástidedje 73% ahte háliidit bowlinghálla Guovdageidnui. Dasto lei maid stuora beroštupmi hárjehallanlatnjii/hárjehallanguovddážii, gaminghousei, biljardspellui, spábbačiekčamii stuora šearpmas, beavddetenisii. Eará giettis vástidedje maiddái máŋggas ahte sii háliidit báhčinšilju, kafea, Escape room ja paintball Guovdageidnui.


Dán vuođul Ovddos álggahii ovttasbarggu Sámi Gamers:in mas ulbmilin lei ásahit sierra Gaminghouse gos maiddái lea vejolaš speallat Shuffleboard, biljardia, beavddepenni ja geahččat spábbačiekčamiid ovttas ustibiiguin.


- Lean ilus go dát viimmat duohtandahkkojuvvui dál. Mii diehtit ahte lei eanemus beroštupmi sierra bowlinghállii, muhto dalle eat gávdnan dohkálaš rabas lanjaid dasa, muhto mii sávvat ahte leat muhtumat geat oidnet vejolašvuođaid ásahit sierra bowlinghálla, muhto maiddái sierra kafea guovddážii, lohká Lango.


Lanja biergasat ruhtaduvvojedje Gjensidige-vuođđudusa 450 000 ruvdnosaš doarjagiin ja Servodatløftet Seastinbáŋku 1 Davvi-Norga 240 000 ruvdnosaš doarjagiin.

- Nuorat leat boahtteáiggi bargoveahka, go nuorra olbmot válljejit fárret dahje ásaiduvvat suohkanii, de sihkkarastojuvvo ahte bargofápmu lassána jámma ja dat lea hui dehálaš ealáhusaid stuorruma ceavzilvuhtii. Danin lea maid dehálaš bargat dan ala ahte oažžut nuoraid loaktit suohkanis go háliidit ovdánahttit ealáhusaid, nu ahte mun sávan ahte nuorat geavahit dán fálaldaga, lohká Lango.


Ovddos háliida dan oktavuođas giitit Sámi Gamers ovttasbarggu ovddas ja sávvat lihku Sámi Gamers rahpamiin ja sávvat lihku ásahemiin.


(Buot govat Sámi Gamers HQ rahpamis, Ovddos)

Recent Posts

See All

Comments


bottom of page