Min birra

Ovddos AS – Guovdageainnu nuppástuhttinprográmma

Ovddos lea oasusfitnodat maid Guovdageainnu suohkan eaiggáduššá ollásit. Fitnodagas lea ovddasvástádus hálddašit nuppástuhttinprográmma.

​

Guovdageaidnu lea ožžon nuppástuhttinstáhtusa 2019–2025-áigodahkii. Nuppástuhttinprográmma galgá veahkkin ráhkadit ođđa bargosajiid ja sihkkarastit dálá bargosajiid. Dasa lassin galgá nannet ealáhuseallima ja veahkkin loktet innovašuvdnanávcca.

​

Fitnodaga bargu lea meannudit prošeaktaohcamušaid ja ovdánahttit iežas prošeavttaid gustojeaddji nuppástuhttinplána mielde.

​

Ovddosa barggut

• Fitnodatovdánahttinprošeavttat – mat galget veahkkin nannet fitnodagaid gelbbolašvuođa ja olgguldas ovttasbargooktavuođaid. Dasa guoská maid buvtta-, proseassa-, organisašuvdna- ja márkanovdánahttin.

• Gealboloktendoaibmabijut – lokten dihte fitnodagaid gilvvohallanfámuid dan bokte go lokte fitnodagaid gelbbolašvuođa siskkáldasat.

• Ovttasbargoprošeavttat – prošeavttat máŋggaid fitnodagaid, doaimmaid dahje organisašuvnnaid váras.