Nannet nuppástuhttimis - status og geaidnu 2027 guvlui

Gaskkal 2021 ja 2025 besse Oarje-Finnmárkku orohagat vásihit mo lea go leat dievaslaš hálddahuslaš bálvalusat. Dađi bahábut dát bálvalus ii leat šat juste dál gávdnamis, ja orohagat váillahit dál sihkkarit dákkár doarjaga.

Manne lea leamaš jaskat - ja mii dáhpáhuvvá bálvalusain?

Oallugat leat jearran manne ii gullo nu olu ođas Nannema birra, ja goas bálvalusat fas bohtet johtui.

Ággan dasa ahte Nannema operatiiva bálvalusat gaskaboddosaččat leat bissehuvvon, lea váilevaš ruhtadeami geažil. Plána lei ahte dát bálvalusat galge fas álggahuvvot ođđajagimánu 1. beaivvi 2026, muhto álggaheapmi ferte maŋiduvvot dassážii go ruhtadeapmi lea sihkkarastojuvvon.

Dat mearkkaša ahte olgguldas bargu sáhttá orrut jaskat, muhto duogábealde lea viiddis ja ulbmálaš bargu mii sihkkarastá ahte Nannet sáhttá ásahuvvot oadjebas ja bistevaš vuogi mielde.

Gievrras doarjja orohagain

Beroštupmi boazodoalus lea ain hui stuoris. Logi orohaga leat juo vuolláičállán intenšuvdnašiehtadusa, ja vurdojuvvo ahte 12 orohaga servet ásaheapmái. Dát čájeha ahte lea stuora dárbu Nannet bálvalusaide, ja ahte orohagat háliidit oktasaš, fágalaš resurssa mii sáhttá geahpedit ja nannet sin barggu.

Mii lea fokus 2026:s?

Dán jagi barggus lea sáhka:

• Sihkkarastit ollislaš ruhtadeami stáđis ja vuorddehahtti doibmii

• Viidásetovddidit ovttasbarggu ja čielggademiid guovddáš aktevrraiguin boazodoalus

• Láhčit vuođu organisašuvdnahápmái mii Nannehis galgá leat ovddosguvlui

• Ráhkkanahttit buori fágalaš vuođu álggaheapmái

Dát lea bargu mii gáibida dárkilis guorahallama, muhto mii seammás láhčá Nannehii nannoset posišuvnna go bálvalusat fas rahppojuvvojit.

Nationála resursaguovddáža guvlui

Go Nannet dál nuppástuvvá, de lea mihttu addit boazodollui fágalaš nana, ollislaš ja guhkes áiggi doarjjaapparáhta. Dat mearkkaša ahte Nannet galgá leat eanet go prošeakta - dat galgá leat nationála resursa mii sáhttá čuovvut orohagaid sihke beaivválaš doaimmaid ja stuorát hástalusaid čađa.

Giitu gierdevašvuođa ovddas

Vaikko vel fálaldagat leat ge bisánan, de ii leat Nannet bisánan. Duogábealde bargojuvvo aktiivvalaččat sihkkarastit guovddáža doaimma boahtteáiggis ja ásahit guovddáža mii lea nanus, boahtteáiggediđolaš ja mii lea bures sajáiduvvan boazodollui.

Ovddosis dieđihat dađistaga go dehálaš mearrádusat leat dahkkojuvvon, ja go sáhttit addit eanet konkrehta dieđuid ovddasguvlui.

Giitu beroštumis, áŋgiruššamis ja gierdevašvuođas - ovttas mii sihkkarastit ahte Nannet oažžu nana ja guhkes áiggi vuođu boahtteáigái.