Ođđa njuolggadusat doarjagiidda 2026:s

Ovddos lea mearridan reviderejuvvon njuolggadusaid doarjjaortnegii jahkái 2026. Rievdadusat leat dahkkojuvvon nuppástuhttinprográmma maŋimus jagi heiveheami dihte.

Maŋimuš jagis prográmmas leat vuoruhan doaibmabijuid mat sáhttet addit konkrehta bohtosiid oanehis áiggis. Dat mearkkaša dan ahte 2026:s sáhttá ohcat doarjaga dušše ovdaguorahallamii ja gealboloktendoaibmabijuide, ja dan ođđa váikkuhangaskaoami studiemátkkiide fitnodatjoavkkuid várás. Dákkár oahppomátkki ulbmil lea láhčit oktasaš gelbbolašvuođaloktema, vásáhuslonohallama ja fierpmádaga nannema fitnodagaid gaskka.

Ii addojuvvo šat doarjja ovdaprošeavttaide iige álggahandoarjja. Dasa lassin lea ulbmiljoavku gáržžiduvvon nu ahte dál sáhttet dušše priváhta fitnodagat (ENK ja AS) ohcat.

Duogážin rievdadusaide lea ahte nuppástuhttinprográmma lea loahppamuttus. Danne lea deaŧalaš sihkkarastit ahte loahppa ruđat geavahuvvojit ulbmillaččat, ja ahte prošeavttat maidda doarjja juolluduvvo, sáhttet čađahuvvot ovdal bušeahttajagi loahpa.

Mii ávžžuhit ealáhuseallima geavahit vejolašvuođa nuppástuhttinprográmma maŋimus muttus - ja ohcat doarjaga loktet gelbbolašvuođa fitnodagas dahje ovddidit buriid prošeavttaid.

Loga eanet ođasmahttojuvvon njuolggadusaid birra dákko

Jus dus leat gažaldagat, de váldde áinnas oktavuođa.