Áŋgiruššansuorggit

Nuppástuhttinbargu galgá veahkkin ovdánahttit ođđa bargosajiid ja sihkkarastit dálá ealáhuseallima. Prográmma galgá maid veahkkin nannet geasuheaddji ja guoddevaš ealáhuseallima ja servodaga mii naguda heivehit iežas eanet. Nanu ealáhuseallima dovdomearkkat leat buorre ovttasdoaibma, rievttes gelbbolašvuohta ja alla innovašuvdnanávccat. Seammás galget Guovdageidnui ovdánahttot ja sihkkarastojuvvot bargosajit. Áŋgiruššansuorggit leat juhkkojuvvon golmma váldosuorgái:

​

1. Ealáhuseallin

   • Digitála innovašuvdna, smávvaindustriija ja fidnohutkan

   • Vásáhusealáhusat

   • Kultur- ja kreatiiva ealáhusat

2. Servodat

3. Geasuheaddjivuohta

 

Oktasaš dán golmma suorggis lea ovttasdoaibma ja gelbbolašvuohta, mii galgá fátmmastit olles barggu ja galgá leat áŋgiruššansurggiid rasttildeaddji.

 

Nuppástuhttinprográmma višuvdna lea “Guovdageaidnu – ofelaš Sámis”, dat muitala ahte sámi árvovuođđu ja giella leat servodaga vuođđu ja ahte mii dáhttut ja háliidit leat ofelaččat Sámis. Vurdojuvvo ahte ohccit dorjot dán višuvnna.

 

Nuppástuhttinruđat galget eanas mannat ulbmiliidda nu go gealboloktemii, buvtta- ja márkanovdánahttimii, ovttasbargo- ja fierpmádathuksemii, ođđa doaimmaid ásaheapmái ja ovdalaš doaimmaid viidásitovdánahttimii.