Dát lea áigumuš ja ambišuvdna vuosttaš gaskariikkasaš sámi ealáhuskonferánsas, Sápmi Business Arena mii lágiduvvo njukčamánu 21-24. bb. Guovdageainnus.
- Ulbmiliin lea ahte sámi fitnodagat ja ealáhusat galget beassat deaivvadit, oahpásnuvvat riikarajid badjel, hukset ođđa ovttasbargguid ja oažžut ođđa movtta ja insp
irášuvnna ovdanahttit fitnodaga, lohká Guovdageainnu nuppástuhttinprográmma Ovddosa beaivválaš jođiheaddji Ann Catharina Lango, geat leat initieren dán prošeavtta.
Sáhttet bohcidit vuorddetkeahtes vejolašvuođat
Ovddos lea rámis bovdet sámi grundariid, jođiheddjiid, ealáhusaktevrraid, nuoraid, nástiid ja našunála dovddus olbmuid vahkkosaš ealáhusdáhpáhussii, gos oasseváldit soitet maid oažžut vejolašvuođa dohppet vuorddetkeahtes ealáhusvejolašvuođaid.
- Guovdageaidnu han galga leat ofela
š sámis ja mii háliidat lágidit konferansa mii čohkke olles sámi, mii lea ávkin olles Sápmái. Šaddá mu mielas hui miellegiddevaš go dál leat mii geat bovdet olggobeal olbmuid Sápmái iige leat nuppeládje, mojohalla Lango.
Rahpat uvssaid sámi fitnodagaide globála márkanis
Konferánssas lea erenoamáš prográmma, go bohtet alladási logaldallit nugo TV-profiila Lars Monsen, dovddus mentálahárjeheaddji Erik Bertrand Larsen ja reMarkable grundar Magnus Wanberg, gii lea álggahan ja jođiha miljárdfitnodaga. Sámi stuora násti Agnete Saba, sámi njunušpolitihkkárat ja fitnodatálggaheaddjit maid bohtet doallat sáhkavuoruid lávddi alde.
- Sáhtán vel muitalit ahte min ođđa nástit Haglund juigiidisguin maid bohtet doallat konseartta, nu ahte fállat sihke buori fágalaš programma ealáhusaide ja maiddai suohtas programma eahkediid. Mun dovddan mun illudan hirbmadit, maŋŋel og guhkit áigge leat šaddan viesus dušše orrut covid geažil, loahpaha Lango.
Sámi birgejumi jurddavuohki eambbo bivnnut
Máilmmis lea mihttun ealligoahtit eambbo bisttevaččat. Sámi eallinvuohki, mii gokčá buot ON 17 guoddevašvuođamihtu, oažžu eambbo ja eambbo fuomášumi stuoraservodagas. Earret eará namuhuvvo Stuoradikki dieđáhusas “birgejupmi” jurddavuohki. Dát rahpa olu ođđa ealáhusvejolašvuođaid sámi servodagas, seammás go sámis juo leat nana bisttevaš ealáhusat main lea potensiála dahkat stuorrát. Dát konferánsa galgá ge leat veahkkin sámi fitnodagaide duosttat stuorrut ja duosttat satset olggobeallai sámi – vai ruhta boahtá fas ruovttoluotta Sápmái ávkin sámi servodahkii.
Oktavuođadieđut:
Prošeaktajođiheaddji Arctic Prime v/ Katarina Påve-Gaup
Telefuvdna nr.:
E-boasta: katarina@arcticprime.no
Prošeaktaeaiggát Ovddos v/ Ann Catharina Lango
Telefuvdna nr.: 954 27 006
E-boasta: annlango@ovddos.com
Eambbo dieđut Sápmi Business Arena prográmmas ja dáhtoniin: