Prošeakta Nannet ohcá vel ovtta prošeaktamielbargi oanehit áigái gii sáhttá veahkehit min áššemeannudemiin daid orohagaid ektui maiguin prošeavttas lea ovttasbargošiehtadus.
Barggut leat:
Čállingoddedoaimmat (čoahkkimiid gohččut ja oktiiordnet, čoahkkinbeavdegirjjiid čállit)
Áššemeannudeapmi (stivračoahkkimiid ja jahkečoahkkimiid ráhkkanahttit)
Gulaskuddancealkámušaid čállit
Doarjut orohagaid áššiid čuovvolemiin
Vástidit oktavuođaváldimiidda mat bohtet orohagaide
Ja muđui veahkehit orohagaid áigeguovdilis áššiiguin.
Mii ohcat olbmo geas leat oalle buorit čállinmáhttu, gii ipmirda bargguid ja boazodoalu, máhttá árvvoštallat ja geas dábálaččat leat buorit gulahallan- ja ovttasbargoattaldagat ja gii sáhttá álgit bargui nu jođánit go vejolaš.
Nannet prošeavtta birra
Nannet lea 3-jagáš prošeakta maid Ovddos ja Oarje-Finnmárkku boazoorohagat lágidit.
Prošeakta álggahuvvui jagi 2021, ja lea 3-jagáš geahččalanprošeakta man ulbmil lea ásahit bistevaš ráđđeaddin- ja resursaguovddáža boazodollui.
Prošeakta veahkeha orohagaid dáiguin bargguiguin:
Áššemeannudeapmi
Čállidoaimmat
Digitála arkiiva
Poastavuostáiváldin
Telefonvuostáiváldin
Kantuvra- ja čoahkkinvejolašvuođat
Loga eambbo Nannet birra dás Nannet.no
Lea go dus beroštupmi dán bargui? Váldde oktavuođa minguin nu jođánit go vejolaš.
Áŋgiruššan bistá oanehis ja barggu guhkkodat lea eahpečielggas, ja akuhtta dárbbu geažil mii eat áiggo čađahit dábálaš rekrutterenproseassa. Mii virgáibidjat dakkaviđe go oažžut oktavuođa muhtumiin geas lea beroštupmi ja heive bargui.
Oktavuođadieđut:
Prošeaktajođiheaddji: Márjá Eira
Tlf: 918 03 316
Beaivválaš jođiheaddji: Ann Catharina Lango
Tlf: 954 27 006
Comments