Háliidat go leat mielde ovdánahttimin Guovdageainnu servvodaga ja ealáhusaid?
Ovddos bargá iešguđetlágan smávit ja stuorit prošeavttaiguin mat galget váikkuhit positiivvalaččat ealáhus- ja servvodatovdánahttimii Guovdageainnu suohkanis. Mii addit ekonomalaš doarjaga fitnodagaide main leat ovdánahttinprošeavttat. Dál mii dárbbahit lassi návccaid veahkkin dán bargui, ja ohcat dan dihte ođđa prošeaktakoordináhtora/áššemeannudeaddji guhte háliida leat mielde dán suohtas ja miellagiddevaš barggus nuppástuhttinprográmmas.
Barggut
Áššemeannudeapmi doarjaohcamiin, doallat oktavuođa ja veahkehit sin geat leat ožžon doarjagiid
Koordineret kursaid ja gealboloktendoaimmaid ealáhusaide
Koordineret eará prošeavttaid maid Ovddos lea álggahan ja galga álggahit
Ja muhtun eará relevánta barggut mat gusket ealáhus- ja servvodatovdánahttimii
Kvalifikašuvnnat:
Relevánta alitoahppu, ja mii ávžžuhit earenoamažit sin ohccat geat aitto leat gárven oahpu
Relevánta bargohárjáneapmi mii sáhttá duođaštuvvot sáhttá dohkkehuvvot oahpu sajis
Hárjáneapmi atnit IKT bargoreaidun, ja buorit návccat jođánit oahppat ođđa datavuogádagaid
Buorre njálmmálaš ja čálalaš ovdanbuktinmáhttu dárogillii, ja lea ovdamunnin jus maid hálddaša sámegiela bures njálmmalaččat ja čálalaččat
Persovnnalaš iešvuođat:
Beroštupmi ja návccat bargat administratiivalaš bargguiguin
Roahkkat ja proaktiiva
Áŋgir ja jođan bargat ja sáhttá maid bargat iešheanalaččat
Buorit ovttasbargonávccát
Čeahppi čovodosiid gávdnat ja innovatiiva
Máhttit geavahit sosiala mediaid ja eará digitala veahkkeneavvuid
Persovnnalaš iešvuođat deattuhuvvojit virgáibidjámis. Dat boahta leat veaháš mátkošteapmi suohkana siskkobealde, ja dan dihte fertešii leat biilavuoddjinkoarta. Álgin lea cuoŋománus dahje nu jođanit go vejolaš. Bargosadji lea Guovdageainnus Ovddos’a kántuvrrain.
Mii fállat:
100% virggi mii bistá gitta 2025 lohppii
Gelddolaš ja ulbmillaš bargodoaimmat ealáhuseallima ja servvodatovdánahttin fáttaid siskkobealde
Bargu mas beasat oahppat ja engasjeret
Buorre vejolašvuohta beassat hábmet iežat bargobeivviid ja leat mielde ovdanahttime prošeavttaid
Buorit penšuvdnaortnegat
10 % oahppoloanas sihkkuma jagis, go ásat ja barggat Guovdageainnus (eanemus meari sihkkun lea 25 000,- kr jagis)
Bálká bidjo KS Hovedtariffavtale vuođul
Eambbo dieđut ja ohcan:
Eambbo dieđuid virggi birra addá Beaivválaš jođiheaddji Ann Catharina Lango, tlf. +47 954 27 006, e-posta ann.lango@ovddos.com
Ohcanáigemearri: Guovvamánu 5. beaivvi
Ohcan, CV, duođaštusat ja atteasttat sáddejuvvojit:
Ovddos AS, Bredbuktnesveien 50B, 9522 Kautokeino dahje dán liŋka bokte: https://www.ovddos.com/s%C3%B8k-om-jobb