skáb 17, gask | Nettarrangement

Priváhtaekonomiijakursa/Privatøkonomikurs DIGITALT

Det er mulig å delta på kurset digitalt eller fysisk. Ved deltakelse digitalt må du melde deg på under denne linken og betale inngangsbillett.
Registreringen er lukket
Priváhtaekonomiijakursa/Privatøkonomikurs DIGITALT

Gos ja goas

skáb 17 17:30 – 20:00 CET
Nettarrangement

Lágideami birra

Sámi eallinvuohki lea erenoamáš, ii ge álo heive mearriduvvon vuogádagaide. Dat sáhttá maid guoskat vuogádagaide mat leat jurddašuvvon leat veahkkin dutnje hálddašit iežat ekonomiija. Liikká lea sámi eallinvuogis hirbmat stuora vejolašvuođat, ja dainna jurdagiin vuolggasadjin leat mii ráhkadan dán priváhtaekonomiijakurssa.

Kursa lágiduvvo sihke fysalaččat ja digitálahámis. 

Máksá 400 ru. searvat digitála hámis oktiibuot goappaš kursabeivviide. 

Sidjiide geat servet fysalaččat lea nuvttá. 

Jus hálidat searvat kursii digitálá hámis de fertet máksit dieđiheami jađe mii sáddet dutnje liŋka. 

Geavatlaš dieđut

Kursa lágiduvvo Sámi joatkka- ja boazodoalloskuvllas klássalanjas 154, mii lea váldouvssa lahka kantiidnafeaskáris. Boađáhat váldouksaráigge.

Kursii dieđihat iežat dán liŋkka bokte.

Kurssa birra

Kurssa vuolggasadji lea sámi birgejupmi - gos oaččut doaibmi reaidduid hálddašit iežat ekonomiija ja gávnnahit guđemuš seastinvejolašvuođat dutnje heivejit.

Kursajođiheaddji lea Per Olaf Persen - geas lea nanu ekonomiijaduogáš ja hui olu hárjáneapmi sihke priváhtaekonomiijas ja sámi eallinvuogis.  Dat oktii dahket dán erenoamáš fálaldahkan Guovdageainnu ássiide - nuvttá priváhtaekonomiijakursa mas lea hirbmat buorre kvalitehta.

Kursa juhkkojuvvo guovtti oassái, vuosttaš semináraeahket lea skábmamánu 17. b. dii. 17:30-20:00, ja nubbi semináraeahket lea skábmamánu 23. b. dii. 17:30-20:00.

Oasseváldit barget iežaset bušeahtain. Vuosttaš semináraeahkeda ožžot oasseváldit ruovttubarggu, mas galget gávnnahit iežaset goluid ja deavdit daid bušeahttaskovvái maid buohkat ožžot vuosttaš semináraeahkeda.

Kursajođiheaddji birra

Min kursadoalli Per Olaf Persen lea 55 jagi boaris ja orru Deanus. Son bargá dál iežas ráđđeaddinfitnodagain Gávcci AS ja lea ovdal jođihan Rema 1000 Deanus, ja lea daid maŋemus 17 jagi leamašan báŋkojođiheaddji mas lei ovddasvástádus earret eará Sis- ja Nuorta-Finnmárkku ovddas. Sus lea ekonomiijaduogáš erenoamážit báŋkku, finánssa ja jođiheami guvlui. Iežas fitnodaga lassin de čuovvu son dál BI-gávpeallaskuvlla Master of Management -prográmma mas lea guoddevašvuohta ja dálkkádat guovddážis. Per Olaf lea iežas sámi duogáža dihte hárjánan ávkkástallat luonddus, ee. bivddu, guolásteami, murjema ja murrema bokte ja lohká dan leat oassin bearraša birgejumis.

Eará dieđut

Jus mii šaddat maŋidit dahje heaittihit kursa de oaččut máksojuvvot ruovttoluotta iežat dieđihanmávssu. 

Go searvvat kursii digitálahámis de leat don anonyma. 

Dele dette arrangementet