Háliidat go leat mielde ovdánahttimin Guovdageainnu servvodaga ja ealáhusaid?
Ovddos bargá iešguđetlágan smávit ja stuorit prošeavttaiguin mat galget váikkuhit positiivvalaččat ealáhus- ja servvodatovdánahttimii Guovdageainnu suohkanis. Mii addit ekonomalaš doarjaga fitnodagaide main leat ovdánahttinprošeavttat. Dál mii dárbbahit lassi návccaid veahkkin dán bargui, ja ohcat dan dihte ođđa prošeaktakoordináhtora guhte háliida leat mielde dán suohtas ja miellagiddevaš barggus nuppástuhttinprográmmas. Váldobargu lea koordineret ja čuovvolit min prošeavttaid prošeaktačoakkáldagas ja álggahit ođđa prošeavttaid.
Barggut
Koordineret, veahkehit ja jođihit muhtun unnit prošeavttaid mat gullet Ovddosii
Váikkuhit dasa ahte álggahuvvojit eará prošeavttat mat gullet Ovddosa doaibmaplánaide
Čállit prošeaktaplánaid ja prošeaktaraporttaid
Čuovvolit prošeavttaid ja doalahit oktavuođa prošeaktajođiheddjiiguin.
Fuolahit ahte prošeavttat ovdánit ja ahte prošeavttat čuvvot plánaid
Eará relevánta barggut mat gullet prošeavttaide
Veahkehit hálddahuslaš bargamušaiguin, jahkeraporttaiguin, jahkerehketdoaluin, ohcamiiguin jnv.
Kvalifikašuvnnat:
Mii ohcat du:
Geas lea relevánta alitoahppu, unnimusat 3 jagi allaskuvla- universitehtaoahppu
Geas lea buorre fágalaš gelbbolašvuohta, áinnas vásáhus priváhta ealáhusain dahje almmolaš hálddašeamis ealáhus- ja servodatovddideamis.
Gii leat struktuvrralaš ja liikot bargat hálddahuslaš bargguiguin beaktilit
Geas lea miella bargat joavkobarggus ja leat buorit ovttasbargoattaladagat
Gii liikot valdit initiatiiva ja liikot bargat jođanit
Geas lea buorre máhttu dahje liikot geavahit IKT bargoreaidun ja háliidat oahpásmuvvat ođđa dihtorprográmmaide ja digitála reaidduide
Geas lea hárjáneapmi sisdoallobuvttadeamis sosiála mediain, neahttasiidduid ovddideamis ja muđui vásáhus gulahallan- ja mediasuorggis
Persovnnalaš iešvuođain háliidit erenoamážit dakkár olbmuid geaid leat:
Roahkkat ja proaktiiva
Buorre čálalaš ja njálmmálaš ovdanbuktindáidu dárogillii ja dahje sámegillii
Dovddat sámi servodatdiliid
Geabbil ja smáđáhkes
Čeahppi čovdosiid gávdnat
Sámegiella ja sámi servodatdilit deattuhuvvojit erenoamážit. Ferte rehkenastit ahte galgá leat veahá mátkkoštanbáiki suohkanis, ja dan dihte fertet dus leat vuodjinkoarta. Kánturbáiki lea Guovdageainnus, Ovddosa kantuvrrain.
Virgáibidjámis veardidit gelbbolašvuođa, hárjáneami, persovnnalaš heivvolašvuođa, ovttasbargoattáldagaid, ja motivašuvnna virgái álgit.
Mii fállat:
Buorit loatna- ja penšuvdnaortnegat KLP:s
100% virggi mii bistá gitta 2025 lohppii
Gelddolaš ja ulbmillaš bargodoaimmat ealáhuseallima ja servvodatovdánahttin fáttaid siskkobealde
Bargu mas beasat oahppat ja engašeret
10 % oahppoloanas sihkkuma jagis, go ásat ja barggat Guovdageainnus (eanemus meari sihkkun lea 25 000,- kr jagis)
Bálká Váldotariffašiehtadusa vuođul, joavku 2 virggiide, gáibádussan lea 3 jagi U/H oahppu
Eambbo dieđut ja ohcan:
Eambbo dieđuid virggi birra addá Beaivválaš jođiheaddji Ann Catharina Lango, tlf. +47 954 27 006, e-posta ann.lango@ovddos.com
Ohcanáigemearri: Borgemánu 11. beaivvi
Ohcan, CV, duođaštusat ja atteasttat sáddejuvvojit:
Ovddos AS, Bredbuktnesveien 50B, 9522 Kautokeino dahje dán liŋka bokte: https://www.ovddos.com/s%C3%B8k-om-jobb
Comments